簡單。露絲瑪利燒春雞
我其實幾喜歡寫作！一心本著寫食譜來打發時間，二來又可以攞到少少虛榮感😅但原來真的可以同時間滿足到我三個願望，就係幫到人😍
話說上星期收到個PM, 原來有位谷友想同老公預備一個驚喜生日晚餐，所以不便在網上公開問我！佢話想整燒春雞俾老公食，問我點整最簡單？哈哈😅我自己都未曾煮過俾小B食呢！但當時我就想到用Rosemary去醃雞，一定無得輸👍於是我就一邊諗，一邊寫，一邊send俾佢！這種即興的寫食譜經驗，真係幾好玩！因為你只能夠依靠想象去領會那些食材所配合出來的味道，真係靠估估下咋😁
幾日後我收到這位ZOE朋友的回覆, 話好多謝我教她的食譜，話好好味！那刻我覺得好開心，除咗証明煮食能滿足基本生理需要之外，更能表達出人與人之間的關愛之情！正如當我煮餸俾媽媽食，煮俾小B食的時候，都會抱住一份愛去完成每個餸菜！而當我看到她們食得津津有味的表情，猛話好味！好味！的時候😍我就會有無限的喜悅感覺，覺得滿滿的溫暖！我相信當時Zoe亦同樣得到這份滿足的喜悅感覺！
Zoe，在你多謝我的同時，我亦同樣的多謝你對我的信任！因我只係一個對烹飪有點認知，有點熱愛，但煮得是旦，煮得求其的住家男！現在竟然能得到咁多位互不相識的網友認同，實在無言感激😊
材料:
。春雞1隻
。新鮮Rosemary一支，撇葉切碎，留莖備用(各大型超市有售，通常放在保鮮蔬菜凍櫃中放售)
。蒜頭2粒，切成蓉
。鹽三茶匙
。金黃糖漿(太古出品)1湯匙
。白葡萄酒/米酒2湯匙
做法:
。先將糖漿跟白酒混合攪溶，備用！
。將其他材料均勻搽在雞的內與外，並張留下的Rosemary莖放入雞腔內，醃最少45分鐘！
。醃好後在雞面薄薄搽上一層已校好的糖漿，並放涼約15分鐘後，放入已預熱200度
之焗爐烤約20分鐘至微微焦黃(看你的春雞大少)
除食譜附上的圖片正正是Zoe用愛烹調，送給至愛的製成品😘
多謝每位支持我嘅朋友，更多謝每位將這篇食文睇完一次的朋友！多謝大家！
Search